( I post chhawng dawn a nih chuan i thu lak na Source hi dah lang zel ang che, Youtube ah chhiar chhuah phal a ni lo)
Zing i lo harh ruala tui no khat emaw, no hnih emaw i in hmasa ber hian i taksaah hna namai lo tak a thawk thin. Mi tam takin "Morning Routine" hrisel tak neih kan tum hian, zing tui in hi a awlsam leh hlawkna tam ber petu a ni hial ang.
A hnuaiah hian zing tui in hian kan taksaah hna eng nge a thawh a, eng vanga pawimawh em em nge a nih tih chipchiar takin kan tarlang ang e:
1. Taksa Tui Hal (Rehydration) a Ti Reh
Zan kan mut chhung hian darkar 6 atanga 8 vel tui kan in lo tlangpui a. Kan thawk chhuah (breathing) leh kan thlan chhuah hmang hian taksa-a tui hi a lo kiam ve hret hret thin.
Zing i harh hian: I taksa kha a tui a hal (dehydrated) thin a ni.
Tui i in rualin: I taksa peng tin (organs) leh i thluak hian tui an dawng nghal a, chakna thar i nei nghal thin.
2. Taksa Chhung a Tifai (Detoxification)
Kan taksa hian zan kan mut chhungin bawlhhlote leh "toxins" a lo vawng khawm thin a.
Zing tui in hian: Chung bawlhhlote chu kan kal (kidney) leh kan kawng (bowel) hmanga chhuah turin a pui a ni.
Zun thianghlim: Zing tui in hian kan zun a tithianghlim a, kal-a lung insiam (kidney stones) leh bladder infection lakah min veng bawk.
3. Metabolism a Tichak (Weight Loss-ah a Pui)
Thau paih emaw, rihna tihhniam tum tan zing tui in hi a pawimawh em em.
Metabolic Rate: Zing tui vawt deuh hlek (room temperature aia vawt hret) i in hian i taksa "metabolic rate" kha 24% velin a tisang thei tih zirchianna (research) hrang hrangin a tarlang.
Calories: I metabolism a chak hian i taksa-a thau leh chakna i neih te kha awlsam takin a "burn" (hmang ral) thei tihna a ni.
4. Thluak Hna Thawh a Titha
Kan thluak hi 75% chu tui a ni a. Tui kan tlakchham hlek hian kan thluak hnathawh a buai nghal thin.
Focus leh Mood: Zing tui in hian i rilru a tifik fiah a, i "focus" a titha a, i mood (rilru put hmang) pawh a ti zangkhai thin.
Lu na: Lu na tam tak hi tui tlakchham (dehydration) vang a ni a, zing tui in hian ni danga i lu na tur pawh a veng hiau thei.
5. Pumpui leh Kawng a Titha (Digestion)
Mizo tam takin kan neih fo, "Ek-thalo" (Constipation) lakah zing tui in hian min veng hle.
Kawng Tifai: Zing tui i in rualin i rilti (intestines) a tiharh a, thil ei i riltam hma deuh hlek bakah, ek chhuak tur a ti awlsam thin.
Acid Reflux: Pumpui acid tam lutuk (heartburn) nei tan tui in hian acid kha a titham (dilute) a, i awm nuam lo kha a chhawk thei a ni.
6. Vun a Tihrisel leh a Timawi
Vun mawi leh nung sarh nei tur chuan pawn lam "cream" hman aiin chhung lam atanga tui in hian hna a thawk chak zawk.
Vun no: Tui i in tam hian i vun-a "blood flow" (thisen kal kual) a titha a, i vun a lo nung sarh a, wrinkle (vun chuar) lo thleng hma tur a veng thin.
Toxins: Taksa chhunga bawlhhlote a chhuah tir thin avangin, hmai pua leh bawl (acne) lakah pawh a ven theih phah a ni.
7. Taksa Immunity (Invenna) a Tichak
Zing tui in hian kan taksa "lymphatic system" a tithurual (balance) thin.
Infection veng: Kan lymphatic system hi a that chuan kan taksa-a natna hrik lo lut turte a veng a, hritlang leh khawsik lakah min veng bawk thin.
Engtin nge kan in ang? (Tips for the best result)
No 2-4 vel: I thei a nih chuan zing i harh rualin no 2 atanga no 4 vel in tum rawh. I tan a harsa a nih chuan no khat atanga tanin tlem tlem hian i tihpun sak thei ang.
Ha nawt hmain: Ha nawh hma emaw, ka thuah hmaa tui in hi a tha zawk tih mi thiam tam takin an sawi thin (i ka chhunga "good bacteria" te kha i pumpui tan an tha).
Room Temperature/Warm Water: Tui vawt lutuk (ice water) aiin tui lum (warm water) emaw room temperature tui hi i pumpui tan a nuam zawk.
Ei hmain 45 minutes: Tui i in hnu hian minute 45 vel hnuah chauh zing chaw (breakfast) ei rawh.
Zing tui in hi thil harsa leh sum heu a ni lova, mahse a nghawng (result) erawh a ropui em em thung. I taksa a thianghlim a, i thluak a fim a, i vun a mawi bawk dawn a ni. Naktuk zing atang chuan i phone i khawih hmain tui no khat i in hmasa phawt dawn nia.
No comments:
Post a Comment
Lo comment ve rawh le.