WhatsApp hi nitin kan hmang thin a, mahse a chhunga thuruk leh feature thar hman tangkai em em, mi tam takin an la hriat miah loh a awm nual mai. I hman dan lo tiziawm turin hengte hi han en teh:
1. Chat Lock (Thuruk thup nan)
I chat-ah khan mi dangin an hmuh ve loh tur thil pawimawh emaw, thuruk emaw a awm a nih chuan i 'Lock' thei.
A hman dan: I lock duh chat kha hmet la, a hmingah hmet leh rawh. A hnuai lamah 'Chat Lock' tih a lo awm ang. I Fingerprint emaw, Face ID emawin i lock thei ang.
Secret Code: Tunah phei chuan chat i lock-te kha chat list-ah a lan loh nan 'Secret Code' i siam thei tawh a, search bar-ah i code i chhut luh chauhvin an lo lang ang.
2. Video Thawn Fiah Dan (HD Quality)
Video emaw thlalak emaw kan thawn hian WhatsApp hian a tichia (compress) thin a. Fiah taka thawn dan a awm:
Feature: Thlalak/Video thlan hnuah, a chung lamah 'HD' tih a lo lang ang. Chu chu hmet la, 'HD Quality' thlang rawh.
Hriat tur: Hei hian data a ei hnem deuh a, mahse i thil thawn kha a mawi em em thung ang.
3. Screen Sharing (Video Call-ah)
Video call i neih laiin i phone screen-a thil awm kha i hmuh pui thei. Phone siam that dan inhrilh nan emaw, thlalak en dun nan a tha hle.
A hman dan: Video call i neih laiin a hnuai lama 'Screen Share' icon (phone leh arrow lem) kha hmet la, i phone-a thil i tih zawng zawng an lo hmu ve thei ang.
4. Message Edit leh Edit History
I message thawn tawh i lo chhut sual a nih chuan i thiah (delete) kher ngai lovin i siam tha thei.
A hman dan: I message thawn kha hmet reng (long press) la, a chung kil amiah 'Three dots' hmetin 'Edit' thlang rawh.
Limit: Minute 15 chhung chauh edit a thiang a, a hnuaiah 'Edited' tih a lo chuang ang.
5. Voice Note 'View Once'
Thlalak vawi khat en chiaha bo (View Once) ang khan, Voice Note pawh vawi khat ngaihthlak zawha bo nghal turin a thawn theih tawh.
A hman dan: Voice record tura i 'Lock' (slide up) hnuah, a ding lamah '1' tih icon a lo lang ang. Chu chu hmet la, a ngaitlatu khan vawi khat chauh a ngaithla thei ang.
6. WhatsApp Account Pahnih Phone Pakhatah
Hmanah chuan 'Parallel Space' emaw app dang hman a ngai thin a, tunah chuan WhatsApp app-ah hian account pahnih a hman theih tawh.
A hman dan: Settings > Account > Add Account. I sim card dang number-in i lut thei tawh a, awlsam takin i in-switch thei ang.
7. Password tel lova 'Passkeys' hman dan
I WhatsApp i luh/re-install dawnin SMS code nghah reng a ngai tawh lo. I phone Fingerprint, Face ID, emaw Screen Lock kha WhatsApp luh nan i hmang thei.
Settings: Settings > Account > Passkeys ah va siam rawh. Hei hi security tan a tha em em a ni.
8. Meta AI (I thian thar)
I WhatsApp chat list-ah khan bial rawng thluk (Circle icon) i hmu em? Kha kha Meta AI a ni a. Eng zawhna pawh i zawt thei a, thlalak i siam tir thei bawk.
Entirnan: "Naktuk chawhmeh tui tak siam dan min hrilh teh" tiin i zawt thei a, Google aia chak leh felfaiin a lo chhang ang che.
Tip Pawimawh:
Heng feature-te hi i phone-ah a la awm lo a nih chuan, Play Store emaw App Store-ah va lut la, WhatsApp Update hmasa phawt rawh.
No comments:
Post a Comment
Lo comment ve rawh le.